Komilov Germaniya TIV rahbarini Afg‘oniston bo‘yicha konferensiyaga taklif qildi
O‘zbekiston Respublikasi tashqi ishlar vaziri Abdulaziz Komilov Germaniya Federativ Respublikasi federal tashqi ishlar vaziri lavozimiga tayinlangani munosabati bilan Xayko Maasga tabrik yo‘lladi. Bu haqda TIV axborot xizmati xabar bermoqda.
«O‘zbekiston Germaniya bilan o‘zaro manfaatli va keng qamrovli masalalar bo‘yicha hamkorlikni yanada kengaytirishga tayyor, - deyiladi maktubda. - Biz konstruktiv siyosiy muloqotni chuqurlashtirish, ikki tomonlama munosabatlarda iqtisodiy diplomatiyani faollashtirish va madaniy-gumanitar sohadagi aloqalarni kengaytirishga katta e'tibor qaratamiz.»
O‘zbekiston «Germaniya bilan ko‘p tomonlama darajada hamkorlik qilish hamda mintaqaviy va xalqaro siyosatning dolzarb masalalari, jumladan, Yevropa Ittifoqining Markaziy Osiyo bo‘yicha strategiyasini amalga oshirish va Afg‘onistondagi vaziyatni barqarorlashtirishga alohida e'tibor berishi», qayd etilgan.
Maktubda O‘zbekiston TIV rahbari Germaniya Federal vaziri Xayko Maasni O‘zbekiston va Afg‘oniston tashabbusi bilan 2018 yil 26-27 mart kunlari Toshkent shahrida bo‘lib o‘tadigan Afg‘oniston bo‘yicha «Tinchlik jarayoni, xavfsizlik sohasida hamkorlik va mintaqaviy sheriklik» mavzusidagi yuqori darajali xalqaro konferensiyasida ishtirok etishga taklif qildi.
Toshkent konferensiyasida Germaniyaning tashqi ishlar vaziri darajasida ishtirok etishi Afg‘onistondagi vaziyatni hal qilish Germaniya tomoni uchun ustuvor masala ekanligini yana bir dalili bo‘lishi ta'kidlangandi.
Maktub yakunida Abdulaziz Komilov Xayko Maasning «ushbu yangi oliy lavozimdagi faoliyatida O‘zbekiston va Germaniya o‘rtasidagi an'anaviy do‘stona, ko‘p qirrali va o‘zaro manfaatli aloqalarni yanada chuqurlashtirish va rivojlantirishga hissa qo‘shishi»ga ishonch bildirdi va uni o‘ziga qulay vaqtda O‘zbekistonga tashrif buyurishga taklif etdi.
Mavzuga oid
19:07 / 13.09.2024
Abdulaziz Komilov AQShning Afg‘oniston bo‘yicha vakili bilan uchrashdi
11:10 / 14.08.2024
Abdulaziz Komilov: «Qo‘shnilar bilan hech qanday muammo bo‘lmasligiga erishish – tashqi siyosatimizning ustuvor yo‘nalishi»
15:50 / 20.01.2024
Abdulaziz Komilov Bryusselda YeK rahbarining bosh maslahatchisi bilan uchrashdi
12:52 / 20.01.2024