Matematika bo‘yicha eng nufuzli mukofotni kim qo‘lga kiritgani aytildi

Matematiklar uchun eng nufuzli mukofotlardan biri – Abel mukofotini bu yil kanadalik matematik Robert Lenglends qo‘lga kiritdi. Xalqaro matematika ittifoqi va Yevropa matematika uyushmasining qarori haqida Norvegiya fanlar va adabiyot akademiyasi prezidenti Ole Seyyersted ma'lum qilindi, deb xabar beriladi mukofot rasmiy saytida.

Lenglends mukofotni «sonlar nazariyasi bilan farazlar nazariyasini bog‘lovchi ziyrak dastur» uchun qo‘lga kiritdi. Olimning dasturi, mukofot saytida ta'kidlanishicha, «avval bog‘lanmagan deb hisoblangan sonlar nazariyasi hamda garmonik tahlil o‘rtasida chuqur bog‘liqlikni taklif etdi».

Lenglends Nyu-Vestminsterda 1936 yilda tug‘ilgan. Britaniya Kolumbiyasi universitetini 1957 yilda tamomlagan, 1958 yilda ushbu universitetda magistr maqomini olgan. Doktorlik dissertatsiyasini Yyel universitetida 1960 yilda himoya qilgan. Lenglends ayni damda Nyu-Jyersi shtatidagi Prinston istiqbolli tadqiqotlar instituti professori sanaladi.

Mukofotni topshirish marosimi Osloda 2018 yilning 22 may kuni bo‘lib o‘tadi. Mukofot miqdori 715 ming dollarga teng.