Putin va Trampning shaxsiy uchrashuvi nega kerakligi aytildi

Rossiya prezidenti matbuot kotibi Dmitriy Peskovning aytishicha, mamlakat prezidenti Vladimir Putin hamda AQSh yetakchisi Donald Tramp telefon muloqoti vaqtida ko‘plab muammoli masalalar tufayli o‘zaro uchrashuvni tashkillashtirish lozimligi qayd etilgan. Bu haqda RIA «Novosti» xabar qilmoqda.

«Haqiqatdan ham, ikki davlat yetakchisi kechagi telefon muloqoti davomida kun tartibida turgan masalalar soni, asosan muammoli holatlar, albatta, bunday uchrashuv o‘tkazilishi hamda sammitni tashkillashtirish lozimligini ko‘rsatayotgani haqida aytib o‘tdi. Bu har ikki yetakchi tomonidan ham tasdiqlandi», - deya ma'lum qildi Peskov.

Uning so‘zlariga ko‘ra, ikki prezident o‘rtasidagi muloqot konstruktiv o‘tgan. Har ikki yetakchi qurollanish poygasiga intilmayotganini qayd etib o‘tdi.