Vetnamdagi turar-joy majmuasida yong‘in, halok bo‘lganlar ko‘p

Vetnamning Xoshimin shahrida joylashgan ko‘p qavatli uyda ro‘y bergan yong‘in oqibatida kamida 13 kishi halok bo‘ldi va yana 27 inson jarohat oldi. Bu haqda Associated Press politsiyaga tayangan holda xabar bermoqda.

«Vetnamning Xoshimin shahridagi turar-joy majmuasida yong‘in yuz berdi. Voqea oqibatida 13 kishi halok bo‘ldi va 27 inson jarohat oldi», - deya ma'lum qilishgan politsiyadan.

Eslatib o‘tamiz, mart oyi boshlarida Ozarboyjon poytaxti Boku shahrida joylashgan respublika narkologiya markazi binosida yuz bergan yong‘in natijasida qariyb 30 kishi halok bo‘lgandi.