Boeing korporatsiyasi hakerlik hujumi haqida ma'lum qildi

Boeing korporatsiyasi hakerlik hujumi haqida ma'lum qildi Amerikaning The Boeing Company korporatsiyasi o‘z tizimiga hakerlik hujumi ro‘y bergani haqida xabar berdi, deb yozmoqda Techcrunch kompaniya bayonotiga asosan.

«Bizning kiberxavfsizlik markazimiz zararli dasturiy ta'minot cheklangan holda kirib olganini aniqladi. U tizimning uncha katta bo‘lmagan qismiga aloqador bo‘ldi. Tegishli choralar ko‘rildi hamda bu ishlab chiqarish yoki ta'minot sektoriga zarar yetkazmadi», - deyiladi xabarda.

Kompaniyadan ta'kidlashlaricha, OAVda hujum haqida tarqalgan dastlabki xabarlar oshirib ko‘rsatilgan va noaniqdir.