Samarqand viloyatida 6 oyoqli buzoqcha tug‘ildi

Samarqand viloyatining Jomboy tumanida 6 oyoqli buzoq tug‘ildi. Noodatiy buzoqchaning suratini Facebook’da mahalliy jurnalist Isomiddin Po‘latov joylashtirdi. Yerteshar qishlog‘ida yashovchi fermer Husniddin Xo‘jayevning aytishicha, buzoqcha 20 martda tug‘ilgan. U hozircha mustaqil yura olmayapti va sun'iy yo‘l bilan oziqlantirilmoqda. Shu bilan birga buzoqchaning holati qoniqarli deb baholanmoqda.

Bu ortiqcha oyoq bilan tug‘ilgan birinchi buzoqcha emas: 2014 yilda Jizzax viloyatida 5 oyoqli, undan oldinroq Navoiy viloyatida ham 6 oyoqli buzoqcha tug‘ilgan.