Bosqinchi qo‘lga olindi, jinoiy sheriklari qidirilmoqda – IIV

Toshkent viloyatining Piskent tumanida jinoyat sodir bo‘ldi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, 2 aprel kuni IIBga kasalxonadan tushgan xabarga ko‘ra, shu yil 1 aprelga o‘tar kechasi O‘rta Chirchiq tumani Nurafshon shahar Yoshlik ko‘chasida yashovchi, muqaddam sudlangan, 1978 yilda tug‘ilgan Ye.K. 2 nafar noma'lum sherigi bilan birga Piskent tumanidagi 1977 yilda tug‘ilgan R.R.ning dala-hovlisiga bostirib kirib, uni qo‘l-oyoqlarini arqon bilan bog‘lab, tan jarohati yetkazib uyidan pullarini olib ketganlar.  

Natijada R.R. kasalxonaga yotqizilgan. Ko‘rilgan choralar natijasida Ye.K. ushlangan, uning jinoiy sheriklarini ushlash choralari ko‘rilgan.