Jizzaxda fojia: YTHda 8 kishi halok bo‘ldi

Jizzax viloyatining Paxtakor tumani hududidan o‘tgan  4R-35 "Jizzax – Gagarin” yo‘lining 49-kilometrida ikkita "Neksiya" rusumli avtomobil to‘qnashib ketishi natijasida yong‘in kelib chiqqan. Bu haqda Sangzor nashri yozmoqda.

Qayd etilishicha, hodisa 4 aprel kuni soat 12:40da sodir bo‘lgan.

Jizzax shahrida istiqomat qiluvchi, 1990 yilda tug‘ilgan fuqaro boshqaruvidagi “Neksiya” Jizzax-Do‘stlik yo‘nalishi bo‘ylab  harakatlanib borayotganda, qarama-qarshi yo‘nalishdan kelayotgan, 26 yoshli arnasoylik haydovchi boshqaruvidagi avtomobil bilan yuzma-yuz to‘qnashib ketgan.

Oqibatda yong‘in kelib chiqqan. Hodisa tufayli har ikkala avtomobilda bo‘lgan barcha – jami sakkiz kishi halok bo‘lgan.