AQSh milliy gvardiyasi Meksika bilan chegaraga yo‘l oldi

AQSh milliy gvardiyasi harbiy xizmatchilarining dastlabki bo‘linmalari Meksika bilan chegaraga yo‘l oldi. Bu haqda Pentagon rahbari Jyeyms Mettis va ichki xavfsizlik vaziri Kirsten Nilsenning qo‘shma bayonotida aytiladi.

"Kecha kechqurun milliy gvardiya qo‘shinlari AQSh janubi-sharqiy chegaralari bo‘ylab chegara xavfsizligini ta'minlash bo‘yicha missiyani qo‘llab-quvvatlash uchun yo‘l oldi", - deyiladi Kirsten Nilsenning Twitter’da e'lon qilingan bayonotida.

Bayonotda ta'kidlanishicha, milliy gvardiya ichki xavfsizlik departamenti tomonidan chegara yaqinida joylashgan shtatlar gubernatorlari bilan “yaqin hamkorlikda” aniqlangan xavfsizlikdagi kamchiliklar bo‘yicha shug‘ullanadi.