Yo‘lovchini avtomashinada urib, voqea joyidan qochib ketgan haydovchi ushlandi

Samarqand tumanida jinoyat yuz berdi, deb xabar qilmoqda O‘zbekiston Respublikasi IIV jamoatchilik va ommaviy axborot vositalari bilan aloqalar boshqarmasi.

Qayd etilishicha, 2018 yil 4 aprel kuni, noma'lum haydovchi avtomashinani “Samarqand-Buxoro” M-37 yo‘lining 35-kilometrida haydab ketayotib, piyoda, 1983 yilda tug‘ilgan O.Q.ni urib yuborib, voqea joyidan ketib qolgan. Natijada O.Q. jarohat olib kasalxonaga yotqizilgan. 

Ko‘rilgan choralar natijasida ushbu yo‘l-transport hodisasini Tayloq tumani Gulba mahallasida  yashovchi, 1964 yilda tug‘ilgan N.I. o‘zining “Damas” rusumli avtomashinasida sodir etganligi aniqlanib ushlangan.