Lionel Messi BMT elchisi qilib tayinlandi

«Barselona» hujumchisi Lionel Messi BMT Butunjahon turizm tashkiloti (UNWTO) elchisi qilib tayinlandi, deb xabar beradi tashkilot sayti.

Bu haqda Primera doirasidagi «Barselona» - «Leganes» o‘yinidan so‘ng, «Kamp Nou»da UNWTO bosh kotibi Zurab Pololikashvili tomonidan e'lon qilindi.

«Sayohat menga boshqa madaniyatlar va jamiyatlarni o‘rganishga katta yordam bergan. BMT turizm tashkiloti esa sayyohlikning rivojlanish manbasiga aylanishini istamoqda. Bu ishga o‘z hissamni qo‘shishdan mamnunman» - dedi 30 yoshli Messi.