Chiqarib yuborilgan rossiyalik diplomatlar orasidagi razvedkachilar soni aytildi

G‘arb davlatlaridan chiqarib yuborilgan rossiyalik 152 diplomat orasida Tashqi razvedka xizmatining uch nafar amaldagi xodimi bo‘lgan. Bu haqda Rossiya Tashqi razvedka xizmati matbuot xizmatidan xabar berishdi, deb yozmoqda RIA «Novosti».

«Buyuk Britaniyaning provokatsion xatti-harakatlari tufayli Rossiyaning xorijdagi muassasalarida ish joyini tark etishga majbur bo‘lgan rossiyalik 152 diplomatik xodim orasida xizmatning uch nafar amaldagi vakili bo‘lgan. Rossiya Tashqi razvedka xizmati direktori S.Narishkin ular bilan bugun muloqot o‘tkazdi», - deyiladi xabarda.

Eslatib o‘tamiz, avvalroq Rossiyaning Londondagi elchixonasi Britaniya Tashqi ishlar vazirligiga tashqi siyosat idorasi rahbari Boris Jonson bilan GRU sobiq polkovnigi Sergey Skripalning zaharlanishi bo‘yicha vaziyatni muhokama qilish uchun uchrashish iltimosi bildirilgan nota yuborgandi.