Tramp Suriyaga berilishi mumkin bo‘lgan zarbalar muddati haqida gapirdi

AQSh prezidenti Donald Trampning ma'lum qilishicha, Suriyaga zarbalar berish bo‘yicha aniq muddatlarni hech qachon belgilamagan. Bu haqda u tvitterdagi sahifasida yozdi.

«Suriyaga zarba qachon berilishi haqida hech qachon gapirmaganman. Balki, yaqin vaqt ichida, ehtimol, birozdan keyin», - deya yozgan Qo‘shma Shtatlar prezidenti.

Eslatib o‘tamiz, avvalroq AQSh sobiq prezidenti Jimmi Karter amaldagi davlat rahbari Donald Tramp harbiy harakatlar va yadro zarbalaridan istalgan yo‘l bilan qochishi kerakligi haqida ma'lum qilgandi.

«Men Tramp davlatimizni tinch saqlab qolishning uddasidan chiqishi va Shimoliy Koreya, Rossiya yoki Suriya bilan bog‘liq muammolarni yanada ko‘paytirmasligi yoxud chuqurlashtirishmasligiga umid qilmoqdaman», - deya aytib o‘tgan Karter.