Eron oliy rahbari: Trampning IShID ustidan g‘alaba haqidagi bayonoti yolg‘on
AQSh prezidenti Donald Trampning Qo‘shma Shtatlar IShID terrorchilik guruhini tor-mor etgani haqidagi so‘zlari – yolg‘on, deya ma'lum qildi Eron oliy yetakchisi oyatulloh Ali Xomanaiy.
"Kecha IShIDni ochiq yoki yashirin ravishda qo‘llab-quvvatlaganlar, bugun IShID jangarilari bilan kurash olib borayotgani va ularni tor-mor keltirgani haqida ma'lum qilmoqda. Bu yolg‘on", - deya aytib o‘tdi Xomanaiy. Uning bayonoti Eron davlat telekompaniyasi tomonidan e'lon qilindi.
"AQSh prezidentining Qo‘shma Shtatlar IShIDni tor-mor keltirgani haqida ma'lum qilgan nutqi yolg‘ondir. Aniq va ochiqdan ochiq yolg‘on!" – deya ta'kidlab o‘tdi Eron oliy rahbari.
Eslatib o‘tamiz, avvalroq oyatulloh Ali Xomanaiy AQSh, Buyuk Britaniya va Fransiya qurolli kuchlarining Suriyaga zarbasini jinoyat, deb atagandi.
Mavzuga oid
01:15
The New York Times HAMASning maxfiy uchrashuvlariga oid protokollarni qo‘lga kiritdi
21:17 / 12.10.2024
Kamala Harris sog‘lom ekani haqidagi ma’lumotnomani e’lon qildi
16:29 / 12.10.2024
AQShda radioaktiv yo‘l qurilishiga ruxsat berildi
16:19 / 12.10.2024