Xitoy Suriya bo‘yicha pozitsiyasini bildirdi

Xitoy Tashqi ishlar vazirligi rasmiy vakili Xua Chuninning ma'lum qilishicha, XXR rahbariyati doimo xalqaro munosabatlarda kuch qo‘llanilishiga qarshi chiqqan. U shu tariqa AQSh va uning ittifoqchilarining Suriyaga zarbasiga izoh berdi, deb yozmoqda RIA «Novosti».

«Xitoy xalqaro munosabatlarda kuch qo‘llanilishiga qarshi chiqadi, boshqa davlatlar suvereniteti, mustaqilligi va hududiy yaxlitligini hurmat qilishga chaqiradi», - deya aytib o‘tdi Chunin.

Shuningdek uning ta'kidlashicha, BMT XK doirasidan tashqarida amalga oshiriluvchi istalgan bir tomonlama harbiy harakatlar BMT nizomida yozib qo‘yilgan asosiy prinsiplarga zid va xalqaro huquqning asosiy norma hamda prinsiplarini buzadi. Shu sababdan, u barcha manfaatdor tomonlarni mojaroni muloqot yo‘li bilan hal etishga chaqirdi.