«Damas» va'da qilib, pul olgan to‘rt firibgar ushlandi – IIV

Toshkent shahrining Uchtepa tumanida jinoyat yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, 14 aprel kuni, tuman IIBga tushgan hujjatlarga ko‘ra, 2017 yil 28 fevral kuni Shayxontohur tumani Yangiyo‘l ko‘chasida yashovchi, 1985 y.t. A.T., Yunusobod tumani O.Zakirov ko‘chasida yashovchi, 1987 y.t. E.Q., Chilonzor tumani Qirq qiz ko‘chasida yashovchi, 1991 y.t. O‘.Q. va Toshkent viloyati Zangiota tumani Erkin ko‘chasida yashovchi, 1986 y.t. B.N. Lutfiy ko‘chasida “Primer invest lizing” MChJ binosida 1968 y.t. J.D.ga shu MChJ hisobidan “Damas” avtomashinasi yetkazib berishni va'da qilib, soxta lizing shartnomasi tuzib dastlabki to‘lov sifatida 40.066.000 so‘m pullarni olib bergan va'dalarini bajarmay pullarni o‘z ehtiyojlari yo‘lida ishlatib yuborganliklari ma'lum bo‘lgan. 

Ko‘rilgan choralar natijasida A.T., E.Q., O‘.Q. va B.N. ushlangan.