Ugandada ijtimoiy tarmoq foydalanuvchilaridan soliq undirishmoqchi

Uganda hukumati 2018 yilning iyulida ijtimoiy tarmoqdan foydalanishga soliq kiritilishi haqida e'lon qildi. Hukumat yig‘ilgan pullar mamlakat daromadini oshiradi va milliy xavfsizlikka yordam beradi, deb hisoblaydi.

"Biz mamlakat xavfsizligini qo‘llab-quvvatlash va elektr tarmoqlarini kengaytirish uchun pul izlayapmiz. Bu odamlarga ijtimoiy tarmoqlardan ko‘proq va tezroq foydalanishga yordam beradi".

Matia Kasaiyya, Uganda moliya vaziri

Uganda moliya vazirining ma'lum qilishicha, soliq WhatsApp, Twitter yoki Facebook servislari mavjud bo‘lgan mamlakatlar uyali aloqa abonentlarining barchasiga taalluqli. Foydalanuvchilardan kuniga 200 Uganda shillingdan yoki oyiga deyarli 1 dollardan olishmoqchi.

Mamlakat hukumati qanday qilib soliq olmoqchi ekani noma'lum. Zero buning uchun mamlakatdagi har bir mobil abonentni kuzatishga to‘g‘ri kelar edi, bu esa 23 milliondan ortiq kishi degani.