«Bizning aloqamiz yo‘q». Ruhoniy Telegram bo‘yicha bayonot berdi

Foto: Reuters

Eron prezidenti Hasan Ruhoniyning ma'lum qilishicha, mamlakat hukumati Telegram messenjeri bloklanishiga aloqador emas. U bu haqda instagramdagi sahifasida yozgan.

«Hozircha «bu hukumat» tomonidan bironta ijtimoiy tarmoq va messenjer bloklanmadi hamda bloklanmaydi. Telegram’ning bloklanishi hukumat sa'y-harakatlarisiz va uning ma'qullovisiz amalga oshirilgan», - deya yozgan Ruhoniy.

Uning so‘zlariga ko‘ra, sud hokimiyati bloklanish haqidagi qarorni mustaqil ravishda chiqargan. Operatorlar shu qaror asosida messenjerga kirishni to‘sib qo‘yishi lozim.

Eslatib o‘tamiz, avvalroq Eronda norozilik aksiyasi umuman kutilmagan ko‘rinishda avj ola boshlagani xabar berilgandi.