Foto: KUN.UZ
«O‘zbekiston» sport majmuasida bo‘lib o‘tayotgan boks kechasining uchinchi jangida toshkentlik Umid Rustamov (3-0-0) ringga chiqdi.
Rustamovga gruziyalik tajribali bokschi, professional boksda 43 jang o‘tkazib, 18 g‘alaba, 20 mag‘lubiyat, 5 durang qayd etgan David Ribakoni raqiblik qildi.
Rustamov dastlabki raundlardan ustunlikni qo‘lga oldi. Ammo raqib uch raund davomida kuchli zarbalarga dosh bera oldi. Ammo uchinchi raundning 2 daqiqasiga kelib ikkinchi marta nokdaunga uchragan Ribakoni jangni davom ettira olmadi. Natijada Umid Rustamov texnik nokaut bilan prof-ringdagi to‘rtinchi g‘alabasini nishonladi.
