Qibrayda o‘zaro janjal qotillikka olib keldi

Toshkent viloyatining Qibray tumanida qotillik yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Ma'lum bo‘lishicha, 6 may kuni Salar shaharchasida yashovchi M.M. ish joyida o‘zaro janjal oqibatida tanishi A.L.ning ko‘krak va chap qo‘l bilak qismiga pichoq bilan urib jarohat yetkazgan. 

Natijada A.L. voqea joyida vafot etgan. M.M. ushlangan.