Malayziyaning yangi bosh vaziri qasamyod keltirdi
Malayziyadagi parlament saylovlarida g‘alaba qozongan Maxatxir Muhammad 10 may kuni mamlakat bosh vaziri sifatida qasamyod keltirdi.
Malayziya qiroli Yang di-Pertuan Agonga ishtirokida o‘tgan tantanali marosim Malayziya televideniyesi orqali jonli ravishda namoyish qilingan.
Mamlakat konstitutsiyasiga ko‘ra, bosh vazir nomzodini qirol tasdiqlaydi.
Maxatxir Muhammad ushbu lavozimni avval ham, ya'ni 1981 yildan 2003 yilgacha egallagan.
Malayziya saylov komissiyasi ma'lumotlariga ko‘ra, Muhammad boshchiligidagi “Umid alyansi” koalitsiyasi parlamentdagi 222 ta o‘rindan 112 tasini olgan. Koalitsiyaning asosiy raqibi – hukmron UMNO partiyasiga 79 o‘rin tekkan. Ta'kidlanishicha, 2013 yilda UMNO 133 ta o‘rin olgan.
Malayziyaning 1957 yilda mustaqilligi e'lon qilingandan to hozirgi kungacha mamlakatda UMNO hukmron partiya bo‘lib kelayotgandi.
Mavzuga oid
20:12 / 27.09.2024
Yaponiya hukmron partiyasiga yangi yetakchi tayinlandi
07:50 / 20.09.2024
Malayziya O‘zbekistonda dronlardan foydalanish ko‘lamini kengaytiradi
23:18 / 06.09.2024
Slovakiya bosh vaziriga o‘q uzgan yozuvchi o‘zining ozod etilishini so‘ramoqda
16:14 / 31.08.2024