O‘zbekiston Microsoft, Oracle, Cisco bilan hamkorlik olib bormoqda
Ilg‘or axborot-kommunikatsiya texnologiyalarining eng so‘nggi yangiliklaridan boxabar bo‘lish ish jarayonini yengillatishi bilan birga kasb mahoratini oshirishda juda qo‘l keladi. Ayni jihatlar bugungi kunda ta'lim sohasiga ham jadal joriy etilmoqda, deb yozmoqda O‘zA.
Xalq ta'limi vazirligi ta'lim-tarbiya jarayonlarida zamonaviy axborot-kommunikatsiya texnologiyalaridan unumli foydalanish hamda o‘qituvchilar va o‘quvchilarning AKT borasida savodxonligini oshirish maqsadida turli nufuzli xalqaro tashkilot, kompaniyalar bilan uzviy hamkorlik aloqalarini qaror toptirmoqda.
Vazirlik matbuot xizmatidan ma'lum qilishlaricha, axborot texnologiyalari sohasida yetakchi hisoblangan Microsoft, Oracle, Cisco kabi kompaniyalar bilan o‘qituvchi va o‘quvchilarining AKT bo‘yicha salohiyatini yanada oshirish, yangi zamonaviy kasb sohalariga oid ko‘nikmalarni shakllantirish yuzasidan o‘quv kurslarini joriy etish, ilg‘or o‘qituvchilar qatoridan trenerlar tayyorlash va tayanch (pilot) ta'lim muassasalarini belgilash bo‘yicha hamkorlik olib borilmoqda.
Shu yilning yanvar-may oylarida umumta'lim maktablarining informatika fani bo‘yicha bir guruh o‘qituvchilari Microsoft kompaniyasida malaka oshirib, tarmoqlar tuzilishi, Windows Server tizimini o‘rnatish, sozlash va boshqarish bo‘yicha o‘quv kurslarini bitirishdi. Ularga tegishli sertifikatlar topshirildi.
Mavzuga oid
00:48 / 26.09.2024
Google Yevrokomissiyaga Microsoftʼning raqobatga zid bulutli amaliyoti ustidan shikoyat kiritdi
20:38 / 18.09.2024
Microsoft ijtimoiy tarmoqlarda Kamala Harrisni qoralashga qaratilgan «Kreml botlari» faollashganini aniqladi
14:00 / 08.09.2024
ICT WEEK UZBEKISTAN 2024 haftaligi doirasida O‘zbekiston-Latviya raqamli hamkorlik forumi bo‘lib o‘tadi
12:47 / 24.07.2024