Toshkentdagi omborxonalardan birida qiymati 3 milliard so‘mdan ortiq mahsulotlar noqonuniy saqlanayotganligi fosh etildi. Bu haqda Davlat bojxona qo‘mitasi axborot xizmati xabar bermoqda.
![](https://storage.kun.uz/source/TRINUNA/%D1%8B%D0%B3%D1%88%D0%B5%D1%80%D1%82%D0%B3%D1%88%D1%89%D0%BE.jpg)
Davlat bojxona qo‘mitasi xodimlari tomonidan o‘tkazilgan tezkor tadbir davomida, Toshkent shahrida joylashgan xususiy firmalardan biriga tegishli omborxonalar ko‘zdan kechirildi.
Natijada, ushbu omborxonada xorijda ishlab chiqarilgan, biroq bojxona rasmiylashtiruvidan o‘tkazilmagan 3 milliard 56 mln. so‘mlik “PVA-801 kley mashxad” nomli kley mahsulotlari hamda 180 mln. so‘mlik
“Ya rodilsya”, “Sorti” va “Biomax” nomli kir yuvish kukunlari saqlanayotgani aniqlandi.
Mazkur holat yuzasidan bojxona organlari tomonidan Jinoyat kodeksining 182-moddasi 2-qismi “a” bandi bilan jinoyat ishi qo‘zg‘atilgan.