Endilikda bankka shaxsni tasdiqlovchi hujjatlarsiz kirish mumkin

Foto: Kun.uz

O‘zbekiston Respublikasi bank muassasalariga kirib-chiqish tartibini tashkil etish qoidalari (ro‘yxat raqami 574, 1998 yil 21 dekabr) o‘z kuchini yo‘qotdi. Bu haqda “Huquqiy axborot” telegram-kanali xabar bermoqda.

Bank muassasasiga mijozlarning pasportini yoki shaxsini tasdiqlovchi boshqa hujjatini ko‘rsatmasdan kirishini taqiqlovchi O‘zbekiston Respublikasi bank muassasalariga kirib-chiqish tartibini tashkil etish qoidalari 2018 yil 15 maydan o‘z kuchini yo‘qotdi.

Endilikda, mijozlar bank muassasasiga shaxsni tasdiqlovchi hujjatlarsiz tijorat banklarining mijozlarga bevosita xizmat ko‘rsatish hududiga to‘sqinliksiz kirishlari mumkin.