O‘zmilliybank va AQSh Eksimbanki hamkorlikni qayta tikladi

2018 yil 16 may kuni Vashingtonda, O‘zbekiston Respublikasi Prezidenti Shavkat Mirziyoyevning AQShga rasmiy tashrifi doirasida, O‘zbekiston Respublikasi Tashqi iqtisodiy faoliyat Milliy banki va AQShning Eksport-import banki o‘rtasida 100 mln. AQSh dollari miqdorida o‘zaro anglashuv Memorandumi imzolandi.

Memorandum AQShning Eksport-import banki bilan savdoni moliyalashtirish bo‘yicha hamkorlikni qayta tiklash, shuningdek, AQShdan O‘zbekistonga tovarlar va xizmatlar eksportini moliyalashtirish uchun o‘rta va uzoq muddatli kreditlar taqdim etilishini nazarda tutadi.

Memorandumning imzolanishi O‘zbekistonda yirik davlat kompaniyalarining, kichik biznes va xususiy tadbirkorlik sohasidagi loyihalarini moliyalashtirish imkonini beradi hamda AQShdan yuqori texnologiyali uskunalar yetkazib berilishi nazarda tutilmoqda.

Reklama huquqi asosida