Prezident: «Hududlardagi har bir muammo o‘sha kuni kabinetimga boradi»

19 may kuni Ulug‘nor tumani hokimligida Prezident Shavkat Mirziyoyev raisligida Andijon viloyati va tumanlari hokimlari, mutasaddi rahbarlar ishtirokida yig‘ilish bo‘lib o‘tdi.

Shavkat Mirziyoyev yig‘ilish davomida rahbarlarga adolatli, halol va vijdon bilan ishlash zarurligini ta'kidladi, deb xabar beradi «Kun.uz» muxbiri.

«Men ish boshlagan birinchi kunimdan hokimlarni yig‘ib? «Bo‘ldi endi. Birovga qaram bo‘lib ishlash yo‘q. Agar oyligim kam deydigan bo‘lsalaring o‘zimni maoshimdan beraman. Lekin, xalqning bir so‘miga xiyonat qilmaysizlar», deganman. Nega prezident qabulxonalarini qoldirdim. Sababi shuki, hududlardagi kamchiliklar o‘sha kuni kabinetimga yetib boradi. Shuning uchun muammolarga befarq bo‘lmanglar», degan davlat rahbari.

Prezident shu o‘rinda prokuratura tizimida ishlagan bir qator sobiq amaldorlarning kirdikorlari va ularga keskin choralar ko‘rilayotgani haqida so‘zladi.