Argentinalik tennischi kelishilgan o‘yinlarni o‘tkazishda aybdor deb topildi

Foto: Gustavo Garello/Associated Press

Argentinalik tennischi Nikolas Kiker kelishilgan o‘yinlarni o‘tkazishda aybdor, deb topildi.

Reuters xabariga ko‘ra, Tennis Integrity Unit (TIU) tomonidan o‘tkazilgan surishtiruv natijasida, sportchi Italiya va Kolumbiyada ATP Challenger seriyasidagi musobaqalar yakuniga ta'sir ko‘rsatishga uringani aniqlangan. Bu holat 2015 yilda kuzatilgani aytilmoqda. Ta'kidlanishicha, 25 yoshli tennischi tergov bilan hamkorlik qilishdan ham bosh tortgan.

Hozirda argentinalik sportchi professional musobaqalarda ishtirok etishdan chetlatildi. Jazo haqidagi qaror keyinroq qabul qilinadi.

Kiker professional tennischilar assotsiatsiyasi (ATP) reytingida 84-o‘rinda boryapti.