Yer uchastkasi olib bermoqchi bo‘lgan firibgar ushlandi - IIV

Toshkent shahrida jinoyat yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, Mirobod tumanida yashovchi O.Q. 2017 yil mart oyida Olmazor tumanida yashovchi B.X.ga va 2018 yil yanvar kuni esa Yunusobod tumanida yashovchi T.I.larga Sergeli tumanidan 0,50 gektar yer maydonini olib berishini va'da qilib, aldash yo‘li bilan ishonchlariga kirib, B.X.dan 40 ming AQSh dollari hamda T.I.dan esa 8 ming 500 AQSh dollarini olib, bergan va'dasini bajarmay pullarni o‘z ehtiyojlari uchun ishlatib yuborganligi ma'lum bo‘lgan.

Ko‘rilgan choralar natijasida O.Q. ushlangan.