Toshkentda yangi pasportni endi yakshanba kunlari ham olish mumkin

Joriy yil 1 iyulda O‘zbekiston Respublikasi nobiometrik pasportining amal qilish muddati tugaydi, deb xabar bermoqda Toshkent IIBB axborot xizmati.

Shu munosabat bilan aholiga qo‘shimcha qulayliklar yaratish maqsadida Toshkent shahar IIBB Migratsiya va fuqarolikni rasmiylashtirish boshqarmasining tuman bo‘limlari ish vaqtlariga o‘zgartirish kiritilgan. Unga ko‘ra, 11 tumandagi barcha bo‘limlar ertalab soat 8:00dan fuqarolarni qabul qilishni boshlaydi. 

Bundan tashqari endilikda yakshanba - dam olish kunida ham aholiga xizmat ko‘rsatish yo‘lga qo‘yildi.