Yaponiya KXDRga iqtisodiy yordam ko‘rsatish uchun o‘z shartini aytdi

Foto: Reuters /Issei Kato

Yaponiya TIV rahbari Taro Kononing ma'lum qilishicha, Tokio Pxenyanga iqtisodiy yordam ko‘rsatishga tayyor, faqat u raketa va yadro dasturi muammosini kompleks hal qilishi lozim. Bu haqda RIA «Novosti» xabar bermoqda.

Uning so‘zlariga ko‘ra, Yaponiya KXDR bilan diplomatik munosabatlar yaxshilanishiga tayyor, bu ham Koreya yarim oroli butunlay yadrosizlanganidan so‘ng yuz beradi.

Shuningdek, uning qo‘shimcha qilishicha, AQShga 6 iyun kuni yo‘l olib, Amerika prezidenti Donald Trampning Shimoliy Koreya yetakchisi Kim Chen In bilan uchrashuvi tufayli «yapon-amerika ikki tomonlama kun tartibi masalalarini aniqlashtirib olmoqchi».

Eslatib o‘tamiz, avvalroq Putin Kim Chen Inga taklif bilan chiqqani xabar berilgandi.