Messi Neymarning "Real"ga ehtimoliy transferi haqida gapirdi

Foto: Zimbio

"Barselona" hujumchisi Lionel Messi "PSJ" forvardi Neymarning kataloniyaliklar safiga qaytishini istamoqda.

"Shaxsan men Neymarning "Barselona"ga qaytishini istar edim. U noyob futbolchi. Biroq haqiqat shundaki, buning ehtimoli juda kam. U yana bizlar uchun o‘ynasa yaxshi bo‘lar edi. Men uni "Barselona"da ko‘rishni istardim. Agar u "Real"ga o‘tsa, rostini aytsam, menga bu yoqmas edi", – dedi Messi.

Avvalroq, braziliyalik hujumchi yozgi transferlar vaqtida "PSJ"ni tark etishi mumkinligi, unga "Real Madrid" asosiy da'vogar ekani haqida xabarlar tarqalgan edi. Biroq futbolchining o‘zi bu ma'lumotni rad etib chiqdi.