Dubay politsiyasi xorijlik ishchilar uchun rekord darajadagi iftorlik tashkillashtirdi

Dubay politsiyasi rekord uzunlikdagi iftorlik dasturxoni tashkillashtirdi. Bu haqda Gulf News nashri ma'lum qildi.

Ma'lum qilinishicha, bir necha qatordan iborat iftorlik dasturxonining umumiy uzunligi 6 kmni tashkil etgan. Ushbu iftorlik Ginness rekordlar kitobiga “iftorlik uchun eng uzun dasturxon” sifatida kiritildi.

Dubay politsiyasining bu tashabbusi xayriya xarakterida bo‘lib, iftorlikda Hindiston, Shri-Lanka, Pokiston va Osiyoning boshqa davlatlaridan 13 ming ishchi ishtirok etgan.

Ta'kidlanishicha, iftorlik uchun taomlarni tayyorlashda 35 ta restoran va turli davlat idoralaridan 500 ko‘ngilli mashg‘ul bo‘lgan. Iftorlikni tayyorlashga umumiy hisobda 200 soatga yaqin vaqt ketgan.