Kim Chen In Singapur bosh vaziriga minnatdorlik bildirdi
KXDR yetakchisi Kim Chen In Singapur bosh vaziri Li Syanlunga AQSh - Shimoliy Koreya sammitini tashkillashtirishga qo‘shgan hissasi uchun minnatdorlik bildirdi. Bu haqda Koreya Markaziy telegraf agentligi xabar qilmoqda.
Shimoliy Koreya yetakchisi 10 iyun kuni Singapur bosh vaziri bilan uchrashuv o‘tkazdi.
«Oliy rahbar Singapur hukumati tomonidan taqdim etilgan ko‘mak uchun samimiy minnatdorlik bildirdi. Ushbu davlat KXDR va AQSh yetakchilari tarixiy sammiti hamda muzokaralari uchun barcha sharoitlar yaratdi va tegishli sa'y-harakatlarni ko‘rdi», - deyiladi Shimoliy Koreya agentligining xabarida.
O‘z navbatida, Li Syanlun ikki mamlakat sammiti «Koreya yarim orolida tinchlik va barqarorlikka erishish yo‘lida muhim qadam bo‘lishiga» umid bildirdi.
Eslatib o‘tamiz, avvalroq Rossiyaning AQSh va KXDR sammitiga ta'sir ko‘rsatishi mumkinligi aytilgandi.
Mavzuga oid
20:44 / 04.10.2024
Kim Chen In Shimoliy Koreyaga hujum qilinsa, yadro qurolidan foydalanish bilan tahdid qildi
16:17 / 04.10.2024
Yarim asrda birinchi marta: Singapurda sobiq vazir pora olgani uchun qamaldi
18:21 / 19.09.2024
Do‘stona davlatlar bo‘ylab turne. Shoyguning KXDR, Eron va Suriyaga tashriflari ortida nima bor?
14:33 / 10.09.2024