Singapur AQSh va KXDR sammitining 2 kunlik shakliga tayyor

Singapur tashqi ishlar vaziri Vivian Balakrishnanning «Bi-bi-si»ga intervyuda ma'lum qilishicha, Qo‘shma Shtatlar prezidenti Donald Tramp hamda KXDR yetakchisi Kim Chen Inning 12 iyunga rejalashtirilgan uchrashuvi, zarurat tug‘iladigan bo‘lsa, yana bir kunga - 13 iyunga ham cho‘zilishi mumkin.

«Ular seshanba yoki chorshanba kuni qanday kelishuvlar, yoki dastlabki kelishuvlarga erishishini kuzatamiz», - deya aytib o‘tdi Balakrishnan.

Intervyuning to‘liq matni Singapur tashqi siyosat idorasi saytida e'lon qilingan.

Eslatib o‘tamiz, avvalroq Tramp Singapur havosidan zavqlanib ketgani xabar berilgandi.