Erdo‘g‘an zarurat bo‘lganda S-400 qo‘llanishi mumkinligini aytdi
Anqara zarurat tug‘ilganda Rossiyaning S-400 zenit-raketa majmualarini qo‘llashga tayyor, deb aytdi Turkiya prezidenti Rajab Toyyib Erdo‘g‘an. Bu haqda Hurriyet Daily News nashri xabar berdi.
“Biz S-400’ni shunchaki sotib olib, uni omborga joylashtirib qo‘ymoqchi emasmiz. Zarurat bo‘lganda uni qo‘llaymiz. Bu mudofaa tizimlaridir. Agar ularni qo‘llamasak, unda nima qilamiz?”, deb aytgan Erdo‘g‘an.
Erdo‘g‘anning ta'kidlashicha, Anqara bir necha yil davomida AQShdan shunga o‘xshash qurol so‘ragan, biroq rad javobini olgan. Erdo‘g‘anning aytishicha, Turkiya bundan oxir-oqibat “charchagan”.
“Rossiya bizning so‘rovlarga o‘ziga yetarlicha tortuvchi taklif bilan javob berdi. Ular hattoki majmualarni birgalikda ishlab chiqarishgacha borishlarini aytishdi. Ular bizga yaxshi shartlar taklif qilishdi”, deb ta'kidlab o‘tgan Erdo‘g‘an.
2017 yil dekabrda Rossiya va Turkiya S-400 majmualari bo‘yicha kredit kelishuvini imzolashgan. Anqara majmuadan ikkita batareya sotib oladi. Tomonlar, shuningdek, S-400’ni Turkiyada ishlab chiqarishni rivojlantirish sohasida hamkorlik qilishga kelishib olishgan.
AQSh va NATO davlatlari Turkiyaning bu qarorini tanqid qilib kelmoqda.
Mavzuga oid
00:32 / 04.12.2022
Turkiyaning birinchi uchuvchisiz qiruvchi samolyoti sinov parvozini muvaffaqiyatli amalga oshirdi
00:54 / 03.12.2022
Turkiyalik sharhlovchi JCh-2022 o‘yini tanaffusida efirdan chetlatildi
11:10 / 28.11.2022
O‘zbekiston va Turkiya yirik logistika infratuzilma loyihalarini birgalikda amalga oshirmoqchi
17:10 / 25.11.2022