JCh-2018. Polsha Kolumbiyadan yirik hisobda yengilib, pley-offsiz qoldi

Jahon chempionati H guruhi 2-turida Polsha terma jamoasi Kolumbiya bilan kuch sinashdi. "Kazan Arena" stadionida kechgan o‘yin Kolumbiya terma jamoasining yirik hisobdagi g‘alabasi bilan yakunlandi – 0:3.

40-daqiqada Mina hisobni ochgan bo‘lsa, 70-daqiqada Falkao oradagi farqni oshirdi. Kolumbiyaga yirik g‘alaba keltirgan gol 75-daqiqada Kuadrado tomonidan kiritildi. 

2-turdan keyin ham ochko to‘play olmagan Polsha terma jamoasi pley-offga chiqish imkoniyatini qo‘ldan chiqardi. Kolumbiya esa 3 ochko bilan 2-o‘rinda bormoqda. Guruhda 4 ochkodan to‘plagan Yaponiya hamda Senegal terma jamoalari peshqadamlik qilishmoqda. 

JCh-2018, H guruhi

Polsha – Kolumbiya – 0:3 (0:1)
Gollar: Mina, 40 (0:1). Falkao, 70 (0:2). X.Kuadrado, 75 (0:3).

Polsha: SHCHensny, Pazdan (Glik, 80), Bednarek, Pishchek, Bereshinski (Teodorchik, 72), Kryxovyak, Guralski, Zelinski, Kovnatski (Groshchitski, 57), Rybus, Levandovski.
Kolumbiya: Ospina, Arias, Sanches, Mina, Moxika, X.Kuadrado, Agilar (Uribe, 32), Barrios, Kintero (Lerma, 73), Xames Rodriges, Falkao (Bakka, 78).
Ogohlantirishlar: Bednarek, 61. Guralski, 85.