Jahon chempionatida S guruhida so‘nggi tur o‘yinlari bo‘lib o‘tdi.
Argentina (6 ochko) Polshani (4 ochko, to‘plar nisbati — 0) Makallister va Alvaresning gollari evaziga mag‘lubiyatga uchratib, 1-o‘rin bilan pley-offga yo‘l oldi. Messi penaltidan foydalana olmadi.
Meksika (4 ochko, -1) esa Saudiya Arabistoni (3) ustidan g‘alaba qozonib, ochkolar bo‘yicha Polshaga tenglashdi, ammo polyaklar to‘plar nisbatiga ko‘ra 1/8 finalga yo‘llanmani qo‘lga kiritishdi.
Shu tariqa 1/8 finalda 3 noyabr kuni Argentina D guruhida 2-o‘rinni egallagan Avstraliya bilan o‘ynasa, 4 noyabrda Polsha o‘sha guruh peshqadami Fransiya sinovidan o‘tadi.
JCh-2022. S guruhi. 3-tur
Polsha — Argentina 0:2
Gollar: Makallister (49), Alvares (67).
Aniq amalga oshirilmagan penalti: Messi (39).
Polsha – Shchensni, Kesh, Glik, Kiver, Bereshinski (Yenjyeychik, 72), Zelinski, Frankovski (Kaminski, 46), Krixovyak (Piontek, 83), Belik (Shimanski, 62), Levandovski, Sviderski (Skuras, 46).
Argentina – Martines, Molina, Otamendi, Romero, Akunya (Talyafiko, 59), De Paul, Makallister (Almada, 84), Fernandes (Pesselya, 79), Di Mariya (Paredes, 59), Messi, Alvares (Martines, 79).
Ogohlantirishlar: Akunya (49), Kryxovyak (78).
Saudiya Arabistoni — Meksika 1:2
Gollar: Ad Dovsari (90+5) — Martin (47), Chaves (52).
Saudiya Arabistoni – Al Ovays, Al G‘anam (Bahebri, 88), Tombakti, Al Amri, Al Bulayhi (Sharahili, 37), Abdulhamid, Ad Dosari, Al Hasan (Madu, 46), Kanno, Al Birakan, Ash Shahri (Al Obid, 62).
Meksika – Ochoa, Sanches (K.Alvares, 86), Moreno, Montes, Galyardo, Chaves, Pineda (Rodriges, 77), E.Alvares (Funes, 86), Losano, Martin (Ximenes, 77), Vega (Antuna, 46).
Ogohlantirishlar: Alvares (16), Ash Shahri (28), Al Hasan (34), Tombakti (52), Madu (81), Bahebri (90+7).
