Hindistonda yirik yo‘l-transport hodisasi 45 kishining umriga zomin bo‘ldi

Hindistonning Uttarakxand shtatida yo‘lovchi avtobusi jarlikka qulab tushishi oqibatida kamida 45 kishi hayotdan ko‘z yumdi. Bu haqda India TV xabar bergan.

Telekanal ma'lumotiga ko‘ra, voqea yakshanba kuni tongida ro‘y bergan. 200 metr balandlikdan qulagan avtobus ikki bo‘lakka ajralib ketgan.

Voqea joyiga qutqaruvchilar yetib kelgan, jarohatlanganlar shifoxonaga olib ketilgan, ayni vaqtda 8 kishi shifoxonaga joylashtirilgan.

Hozircha hodisa sabablari ma'lum emas.