Lyuis Xemilton “Mersedes” bilan 100 mln dollarlik shartnoma imzoladi

Joriy haftada “Formula-1”ning britaniyalik poygachisi Lyuis Xemilton Mercedes-AMG Petronas Motorsport bilan shartnomasini 2 yilga uzaytirdi. Bu esa avtosportning bosh yulduzi “Mersedes” jamoasida kamida yana 2 yil qolishini anglatadi. Poygachi nemis kompaniyasi bilan 2013 yilda hamkorlik qilishni boshlagan va 3 marta chempionatni yutgan.

Xemilton yangi shartnoma doirasida har yili kamida 30 mln dollar maosh olishi, bonuslar hisobga olinsa esa maoshi 50 mln dollargacha yetishi kutilmoqda. Xemilton o‘tgan oyda Forbes’ning eng katta haq oluvchi sportchilari yillik reytingida 12-o‘rin egallagandi.