Volfram sanoatini tiklash uchun IFG Capital Partners jalb etildi

Davlat geologiya qo‘mitasi O‘zbekiston volfram sanoatini qayta tiklash uchun IFG Capital Partners’ni jalb qildi, deb xabar beradi Spot.

«IFG Capital Partners Samarqand viloyatining Yaxtonida volfram konlarini o‘zlashtirishning texnik-iqtisodiy asoslarini aniqlash uchun O‘zbekiston Geologiya va mineral resurslar davlat qo‘mitasi bilan kelishuv imzoladi», - deyiladi xabarda. 

Agar tadqiqot ijobiy natijaga olib keladigan bo‘lsa, IFG konning sanoat o‘zlashtirilishini tashkil qiladi. IFG tadqiqot birinchi bosqichini darhol boshlashni rejalashtirmoqda - bu rudalarni qayta ishlash optimal ssenariysini aniqlash uchun mavjud zaxiralarni tasdiqlash va metallurgiya sinovlarini o‘tkazishga burg‘ilashni o‘z ichiga oladi. Shundan keyin qayta ishlash obekti loyihasi kiritiladi. 

Yaxton - Samarqanddan 55 km janubda, Urgut shahri yaqinida joylashgan volfram koni. Bu yerda volfram trioksidining katta zaxiralari bor, deb hisoblanadi - 20 ming tonnadan ortiq.

«Yaxton - zamonaviy ishlab chiqaruvchi korxona negizida qator past rentabelli konlarni birlashtirish yo‘li bilan O‘zbekistonda volfram klasterini yaratishda birinchi qadam bo‘ladi», - deya hisoblashmoqda IFG’da.