Konor Makgregorga avtobusga hujum qilishi ishi bo‘yicha hukm chiqarildi 

Sud MMA jangchisi Konor Makgregorni aprelda UFC jangchilari ketayotgan avtobusga hujum qilgani uchun 5 kunlik jamoat ishlarini bajarishga mahkum qildi. 

ESPN telekanalining xabar berishicha, irlandiyalik ishlarni bajarib bo‘lgach, o‘zini nazorat qilish kurslaridan o‘tishi lozim bo‘ladi.

Aprelda Makgregor va yana bir necha jangchi Bruklinda rossiyalik jangchi Xabib Nurmagomedov va yana boshqa jangchilar bo‘lgan avtobusga hujum qilgandi. Irlandiyalik avtobusga aravachani uloqtirib, uning oynasini sindirgan. Buning oqibatida avtobus ichidagi ikki jangchiga jarohat yetgandi. Makgregor ushbu qilmishi uchun politsiya tomonidan hibsga olingan, biroq 50 ming dollar garov puli evaziga qo‘yib yuborilgandi.