Фото: xuehua.us
Суд ММА жангчиси Конор Макгрегорни апрелда UFC жангчилари кетаётган автобусга ҳужум қилгани учун 5 кунлик жамоат ишларини бажаришга маҳкум қилди.
ESPN телеканалининг хабар беришича, ирландиялик ишларни бажариб бўлгач, ўзини назорат қилиш курсларидан ўтиши лозим бўлади.
Апрелда Макгрегор ва яна бир неча жангчи Бруклинда россиялик жангчи Хабиб Нурмагомедов ва яна бошқа жангчилар бўлган автобусга ҳужум қилганди. Ирландиялик автобусга аравачани улоқтириб, унинг ойнасини синдирган. Бунинг оқибатида автобус ичидаги икки жангчига жароҳат етганди. Макгрегор ушбу қилмиши учун полиция томонидан ҳибсга олинган, бироқ 50 минг доллар гаров пули эвазига қўйиб юборилганди.
