O‘zbekiston to‘qimachilik klasterlari sonini uch baravarga oshiradi

2018 yil oxiriga kelib, O‘zbekiston to‘qimachilik klasterlari sonini uch baravarga oshiradi, deya ma'lum qildi «O‘zto‘qimachiliksanoat» uyushmasi boshqaruvi raisi Ilhom Haydarov.

«Joriy yildan boshlab to‘qimachilik klasterlari loyihalarini amalga oshirishga kirishdik. Bugungi kunda ularning soni 15ta, 2019 yilga kelib uch baravarga ko‘payishini kutmoqdamiz. Shunday qilib, to‘qimachilik sohasida tajribamizni qishloq xo‘jaligiga olib chiqamiz - yangi texnologiyalar, innovatsiyalar, agar lozim bo‘lsa, yangi boshqaruv tizimlari. Biz ushbu loyihalar muvaffaqiyatli bo‘ladi, deb o‘ylaymiz, hamda ular sifatli xom ashyoni kafolatlaydi», - dedi Haydarov Investitsiyalar bo‘yicha davlat qo‘mitasi tomonidan tashkil etilgan investorlar bilan uchrashuvda.

Hukumat qaroriga ko‘ra, 2018 yilda mamlakatda 13ta to‘qimachilik klasteri paydo bo‘lishi kerak. Ushbu model paxta xomashyosini yetishtirish, dastlabki qayta ishlash, paxta tozalash korxonalarida qayta ishlash va yuqori qo‘shimcha qiymatga ega bo‘lgan yakuniy to‘qimachilik mahsulotlari ishlab chiqarishni o‘z ichiga olgan yagona ishlab chiqarish jarayoni tashkil etishni nazarda tutadi.

Klasterlar fermer xo‘jaliklari bilan paxta xom ashyosi yetishtirish va yetkazib berish bo‘yicha bevosita kontraktatsiya shartnomalarini tuzadi.