Tramp AQShning savdo urushlaridagi ko‘p yillik ishtiroki haqida ma'lum qildi

AQSh prezidenti Donald Tramp Illinoys shtatining Granit Siti shahridagi po‘lat ishlab chiqarish bo‘yicha zavodda chiqish qilib, Qo‘shma Shtatlar ko‘p yillar davomida savdo urushlarida mag‘lub bo‘lib kelganini aytdi. AQSh prezidentining so‘zlari Chicago Tribune gazetasi tomonidan keltirilgan.

Trampning ma'lum qilishicha, AQSh savdo urushlarini boshlamagan, biroq «ko‘p yillar» davomida ularning ishtirokchisi bo‘ldi. Uning ta'kidlashicha, mamlakat ularda mag‘lubiyatga uchrab keldi.

«Biroq, so‘nggi bir yarim yil davomida biz g‘alaba qozonmoqdamiz. Biz qaytdik, hamda juda katta g‘alabalarga erishmoqdamiz», - dedi Tramp.

Shu bilan birga, Qo‘shma Shtatlar yetakchisining qayd etishicha, AQSh avval savdo bo‘yicha «Yer tarixidagi eng yomon kelishuvlarga» erishgan.