Qoʻshimcha funksionallar
-
Tungi ko‘rinish
Narkojinoyatda ayblanib, qidiruvda bo‘lgan o‘zbekistonlik AQShdan deportatsiya qilindi
37 yoshli shaxs 3 yildan beri qidiruvda bo‘lgan. U AQShning Nyu-York shahrida ekani aniqlanib, ushlandi.
Foto: IIV
Qidiruvda bo‘lgan shaxs AQShda ushlandi. Bu haqda Ichki ishlar vazirligi xabar berdi.
1989 yilda tug‘ilgan shaxs 2023 yilda qidiruvga berilgan. U Jinoyat kodeksining 276-moddasi 2-qismida (giyohvandlik vositalari, ularning analoglari yoki psixotrop moddalarni o‘tkazish maqsadini ko‘zlamay, qonunga xilof ravishda tayyorlash, saqlash, egallash, tashish yoki jo‘natish) nazarda tutilgan jinoyatni sodir etganlikda ayblangan.
IIV Tezkor-qidiruv departamenti tomonidan AQSh huquq-tartibot idoralari hamda ushbu davlatning Toshkentdagi elchixonasi hamkorligida qidiruvdagi shaxs Nyu-Yorkda ekani aniqlangan. U ushlangan va belgilangan tartibda O‘zbekistonga deportatsiya qilingan.
Avvalroq xalqaro qidiruvdagi shaxs Gruziyadan O‘zbekistonga ekstraditsiya qilingandi.
