Tramp Kim Chen Inga minnatdorlik bildirdi

AQSh prezidenti Donald Tramp Koreya urushida halok bo‘lgan amerikalik askarlar xoki topshirilgani uchun Shimoliy Koreya rahbari Kim Chen Inga minnatdorchilik bildirdi. Bu haqda siyosatchi tvitterdagi o‘z sahifasida yozgan.

Trampning so‘zlariga ko‘ra, amerikalik askarlarning jasad qoldiqlari yaqin orada Amerika Qo‘shma Shtatlariga yetib boradi.

«Bu ko‘p yillardan keyin ko‘plab oilalar uchun katta voqea bo‘ladi. Kim Chen Inga rahmat», - deya ma'lum qilgan Tramp.

Eslatib o‘tamiz, avvalroq KXDR AQShga Koreya urushi davrida halok bo‘lgan amerikalik askarlarning jasadlari qoldiqlarini topshirgani, qoldiqlar S-17 samolyotida Janubiy Koreyadagi Osan aviabazasiga yetkazilgani xabar berilgandi.