Ispaniya sohillari yaqinida 770 dan ko‘proq muhojir qutqarib qolindi

27 iyulda Ispaniya sohillari yaqinida kamida 774 muhojir qutqarib qolindi. Bu haqda Ispaniya qutqaruv va xavfsizlik xizmati ma'lum qildi. 

Xizmatning ma'lum qilishicha, noqonuniy muhojirlar Gibraltar bo‘g‘ozida kun davomida 54 ta qayiqda aniqlangan.

2015 yilda Yaqin Sharq va Shimoliy Afrikadagi bir qator davlatlarda ixtiloflar avj olgani sababli Yevropaga bu hududlardan keluvchi odamlar soni ortgan. 

Xalqaro migratsiya tashkilotining ma'lum qiliishicha, yil boshidan Yevropaga O‘rta yer dengizi orqali 55 mingdan ko‘proq muhojir yetib kelgan. Ulardan 23 mingini Ispaniya, 18 mingdan ko‘prog‘ini Italiya, 15 mingga yaqinini Gretsiya qabul qilgan.