Испания соҳиллари яқинида 770 дан кўпроқ муҳожир қутқариб қолинди

27 июлда Испания соҳиллари яқинида камида 774 муҳожир қутқариб қолинди. Бу ҳақда Испания қутқарув ва хавфсизлик хизмати маълум қилди. 

Хизматнинг маълум қилишича, ноқонуний муҳожирлар Гибралтар бўғозида кун давомида 54 та қайиқда аниқланган.

2015 йилда Яқин Шарқ ва Шимолий Африкадаги бир қатор давлатларда ихтилофлар авж олгани сабабли Европага бу ҳудудлардан келувчи одамлар сони ортган. 

Халқаро миграция ташкилотининг маълум қилиишича, йил бошидан Европага Ўрта ер денгизи орқали 55 мингдан кўпроқ муҳожир етиб келган. Улардан 23 мингини Испания, 18 мингдан кўпроғини Италия, 15 мингга яқинини Греция қабул қилган.