O‘zbekiston tashqi ishlar vaziri AQSh elchisi bilan muzokaralar o‘tkazdi

2018 yilning 2 avgust kuni O‘zbekiston Respublikasi tashqi ishlar vaziri Abdulaziz Komilov Amerika Qo‘shma Shtatlarining favqulodda va muxtor elchisi Pamela Leora Spratlenni qabul qildi. 

TIV axborot xizmati xabariga ko‘ra, suhbat chog‘ida 2018 yil 24-27 iyul kunlari Diniy erkinliklarni ilgari surish masalalari bo‘yicha vazirlar konferensiyasida O‘zbekiston delegatsiyasining ishtiroki doirasida Vashington shahrida bo‘lib o‘tgan ikki tomonlama uchrashuvlar yakunlari yuzasidan fikr almashilgan.

Muzokaralarda bo‘lajak O‘zbekiston-AQSh uchrashuvlari jadvali va madaniy-gumanitar hamkorlik masalalari ham muhokama qilindi.