“Urgut” EIZ hududi yanada kengaytirildi

Vazirlar Mahkamasining “Urgut” erkin iqtisodiy zonasi hududini kengaytirish chora-tadbirlari to‘g‘risida”gi qarori qabul qilindi.

Hujjat bilan Vazirlar Mahkamasining “Erkin iqtisodiy zonalar faoliyatini tashkil etish chora-tadbirlari to‘g‘risida” 2017 yil 10 apreldagi 196-son qarorining 1-ilovasi I bo‘limi quyidagi mazmundagi 5-band bilan to‘ldirildi:

“5. Samarqand shahar “Xishrav-2” massivi yer maydonlari quyidagi chegaralar bilan:

shimoliy tomondan - “Darg‘om” kanali hududi;
sharqiy tomondan - Samarqand viloyati Yongin xavfsizligi bosh boshqarmasining malaka oshirish markazi hududi;
janubiy tomondan - davlat zaxira yerining jarlikkacha bo‘lgan hududi;
g‘arbiy tomondan - Mudofaa vazirligining harbiy bazasiga tutash hududi”.

Samarqand viloyati hokimligi, O‘zbekiston Respublikasi Yer resurslari, geodeziya, kartografiya va davlat kadastri davlat qo‘mitasi bilan birgalikda ikki hafta muddatda ushbu qarorning 1-bandidan kelib chiqib, “Urgut” erkin iqtisodiy zonasi hududining chegaralarini qayta belgilaydi va tegishli yer uchastkalari ajratilishini ta'minlaydi.

Mazkur qarorning bajarilishini nazorat qilish O‘zbekiston Respublikasi bosh vazirining o‘rinbosari - Investitsiyalar bo‘yicha davlat qo‘mitasi raisi S.R. Xolmuradov va Samarqand viloyati hokimi vazifasini bajaruvchi E.O. Turdimov zimmasiga yuklandi.